Avtomobil piyadanı vurub - Ağdaşda

Ağdaş rayonunda piyadanın vurulması ilə nəticələnən yol-nəqliyyat hadisəsi baş verib. APA-nın yerli bürosunun xəbərinə görə, hadisə bu gün saat 09:30 radələrində Ağdaş şəhərində qeydə alınıb. Minik avtomobili yolu keçən piyada, 1971-ci il təvəllüdlü İsmayılov Hüseyn Əsabi oğlunu vurub. Ağır bədən xəsarətləri alan H. İsmayılov təcili olaraq Ağdaş rayon Mərkəzi Xəstəxanasının reanimasiya şöbəsinə çatdırılıb. Faktla bağlı Ağdaş rayon Polis Şöbəsi tərəfindən araşdırma aparılır.