Avtomobil sürmək ömrü uzadırmış - Alimlərin qənaəti

Kolumbiya Səhiyyə Universitetinin əməkdaşları bildirirlər ki, avtomobil idarə etmək ömrün uzanmasına kömək edir. Avtosfer.az atv.az-a istinadən xəbər verir ki, onlar yaşı 55-dən yuxarı olan insanların sağlamlıq vəziyyətini öyrənəndən sonra bu qənaətə gəliblər. Qeyd edək ki, bütün könüllülərin kifayət qədər sürücülük təcrübəsi olub. Məlum olub ki, vaxtının çoxunu sükan arxasında keçirən insanlar yaddaş problemindən az şikayətlənir.

Bu, onlarda koqnitiv funksiyaların daha yaxşı inkişaf etməsi ilə bağlıdır. Bundan əlavə, sükan arxasında oturmaq depressiya riskini də təqribən 5 dəfə azaldır. Buna görə də tədqiqat müəllifləri insanlara tez-tez sükan arxasına keçməyi məsləhət görürlər ki, hətta ahıl yaşlarında da yaxşı yaddaşa malik olsunlar. Üstəlik, avtomobil sürmək sağlamlıqla bağlı başqa problemlərdən də yaxa qurtarmağa kömək edir.