Avtomobildə daha bir rekord – 100 km/saat cəmi ... - VİDEO

Almaniyanın Ştutqart Universitetinin tələbələrinin hazırladığı avtomobil dünya rekordunu təzələyib.
Avtosfer.az xəbər verir ki, 20 tələbənin yarış üslubunda hazırladığı avtomobil 100 km/saat sürəti cəmi 1,461 saniyəyə yığıb. Müqayisə üçün deyək ki, bu qədər müddətə insan ancaq göz qırpa bilir. Formula-1 bolidlərinin 100 km/saat sürətə çatmasına azı 2,5 saniyə tələb olunur.
Avtomobil sentyabr ayında Almaniyada xüsusi poliqonda test edilib və rəsmi şəkildə Ginnesin rekordlar kitabına salınıb. Nəticələr isə rəsmi şəkildə bu gün elan olunub. 
Texniki parametrlərə gəlincə, 145 kiloqramlıq avtomobil 180 kilovat  gücündə 2 elektrik mühərriki ilə təchiz edilib.

Vüqar Yaşaroğlu