Avtomobildə nasazlıq yaranacağını göstərən ƏLAMƏTLƏR

Avtomobil nadir hallarda qəflətən sıradan çıxır. Çox vaxt nasazlıq yaranmazdan əvvəl müəyyən əlamətlər özünü biruzə verir. Buna fikir vermədikdə isə, zərər kifayət qədər böyük olur. 

Avtosfer.az xəbər verir ki, xarici ekspertlər nasazlığın mümkün əlamətlərini sadalayıblar. Bunlardan başda gələni yağ, antifriz və ya tormoz mayesinin axmasıdır. Bunlar hermetikliyin pozulmasının əlamətidir və ciddi qəza ilə nəticələnə bilər. ya da mühərrik sıradan çıxa bilər.

Mühərrikin dayanıqsız işləməsi (danışıqda - pereboy) də nasazlığın geniş yayılmış əlamətidir. Bu nasazlıq alışdırma, elektrik və ya qidalandırma sistemində ola bilər. 

Kapot altından gələnm taqqıltı, uğultu və ya digər kənar səs də mühərriklə bağlı həyəcan təbili hesab olunur. Sürət qutusundan gələn kənar səs isə çox bahalı təmirin ilk qaranquşudur. 

Bundan başqa, yanıq və plastik iyi transmissiya və tormoz sistemində nasazlığın göstəricisidir.  
Əgər şinlərdə qeyri-bərabər yeyilmə varsa, yaxud avtomobil sağa və ya sola dartınırsa, servisə getmək şərtdir.

Vüqar