Avtomobillə Hollivud tryukları: TƏKRARLAMAĞA DƏYƏRMİ? - FOTO

ABŞ filmlərində biz avtomobillə bağlı bir çoxumuzun təkrar edə bilməyəcəyi hallarla rastlaşmışıq. Məsələn, avtomobil pulemyotdan atəşə tutulur, lakin güllələrin hamısı sürüşüb gedir. Sanki hədəfə alınan avtomobil deyil, tankdır. Yaxud maşın hündürlükdən atılır, heç nə olmur. 

Avtosfer.az xəbər verir ki, bu tryuklar xüsusi hazırlıanmış maşınlarla həyata keçirilir və kompüter vasitəsi ilə effektlər əlavə olunur. Reallıqda tapança gülləsi yaxın məsafədən kapotu deşir. Güllə radiatora dəydikdə isə mühərrik bir neçə dəqiqədən sonra qızıb yapışacaq. 

Yanacaq çəninin alışması isə ümumiyyətlə sensasiyadır. Kimya qanunlarına görə partlayış və yanma üçün böyük miqdarda hava tələb olunur. Yanacaq çənində isə hava lazımi həcmdə ola bilmir. Bak deşildikdə isə təzyiq azalır, elektrikli yanacaq nasosu 1 saniyədən də az vaxtda yanacağın mühərrikə ötürülməsini dayandırır. Yola dağıldıqda belə, benzin dərhal alovlanmır. Bunun üçün də filmlərdə kənardan “kömək” lazım gəlir.

Ən vacib məsələ isə sürücülərin bu tryukları təkrar etməməsidir. Xüsusi hazırlıq keçməyən şəxs bunu təkrarlamaqla özünü və başqalarını təhlükədə qoya bilər.

Vüqar Yaşaroğlu