Avtoservisdə beş "Gelandewagen" yandı

Rusiyanın paytaxtı Moskva şəhərində beş ədəd "Mercedes Gelandewagen" markalı avtomobil yanıb. Avtosfer.az-ın APA-ya istinadən verdiyi məlumata görə, Moskva polisindən bildirilib ki, hadisə Kutuzov keçidində yerləşən avtoservisdə baş verib.   "Noyabrın 16-da saat 11:00-da Kutuzov keçidindəki avtoservisin ikimərtəbəli kərpic binasında yanğın baş verib. Yanğın 500 kvadratmetr sahəni əhatə edib. Yanğın nəticəsində beş ədəd "Mercedes-Benz G500" markalı avtomobil tamamilə yanıb", - deyə məlumatda bildirilir. Dəymiş ziyanın ümumi məbləği və yanğının səbəbi dəqiqləşdirilir.