"Avtoşluq" edib qazinin olduğu maşınını vurdu: ailəsini qorxuya saldı - VİDEO

Paytaxtın Heydər Əliyev prospektində avtoxuliqanlıq hərəkətləri edərək qəza törədən sürücü daha sonra bu videonu sosial şəbəkələrdə paylaşıb. 

Avtosfer.az xəbər verir ki, bu barədə Vətən müharibəsi iştirakçısı, qazi Əli Əhmədli Daxili İşlər Nazirliyinə müraciət ünvanlayıb. Belə ki, "BMW" markalı avtomobilin sürücüsü qazinin ailəsi ilə olduğu avtomobilini vurub. "Bu adam bu  gün  günorta saatlarında  videoda göründüyü kimi  manevrlәr  edәrkәn  bizim maşını  vurub.(Dostumun maşınıdı  ağ  maşın videoda da görünür.)

Vuran zaman mәnim 7  aylıq  qızım, özüm,  dostum  vә yoldaşım çox  pis  qorxub.  Qızımı 1 saata qәdәr  sakitlәşdirә bilmәmişik vurub vә qaçıb.  Adam utanmaz - utanmaz  videonu tiktoka  yerlәşdirib. Çox  xahiş  edirik, bu adam  saxlanılsın vә  gәlib  bizә dәyәn ziyanı  ödәsin vә  özü bizdәn üzr istәmәlidir bu nә özbaşınalıqdır?" deyə qazi müraciət edib.

Qeyd edək ki, video shumakher.333 Tik-tok istifadəçisi tərəfindən paylaşılıb. 99-NE-333 dövlət nömrə nişanını da ad olaraq istifadə edib.

Videonu təqdim edirik: