Azərbaycanda zəncirvarı yol qəzası: xəsarət alanlar var

Gəncənin Şeyx Bahəddin küçəsində 3 nəfərin xəsarət alması ilə nəticələnən yol nəqliyyat qəzası baş verib.

Avtosfer.az APA-ya istinadən xəbər verir ki, şəhər sakini 1975-ci il təvəllüdlü Ziya Əliyev idarə etdiyi "Mercedes" markalı avtomobillə hərəkətdə olarkən özünü pis hiss edərək idarəetməni itirib və maşın "Hyundai"-a çırpılıb. "Hyundai" isə başqa iki avtomobilə dəyib. Daha sonra "Mercedes" "Niva" və "VAZ 2107" ilə toqquşub. Qəza zamanı "VAZ" yolun kənarında olan iki piyada, 1979-cu il təvəllüdlü Seymur İsmayılov və 1988-ci il təvəllüdlü Mirvari Tağıyevanı vuraraq mağazanın divarına çırpılıb.

Xəsarət alan 3 nəfər Gəncə şəhər Təcili Tibbi Yardım xəstəxanasına yerləşdirilib. Vəziyyətlərinin orta ağır olduğu bildirilir.
 
Faktla bağlı Gəncə şəhər Baş Polis İdarəsində araşdırma aparılır.

XXX

Gəncə şəhərində zəncirvarı yol qəzası baş verib.

Avtosfer.az APA-ya istinadən xəbər verir ki, hadisə şəhərin Şeyx Bahəddin küçəsində qeydə alınıb. "Mercedes" markalı avtomobil idarəetməni itirərək əvvəlcə "Hyundai" markakı, daha sonra "Niva" və "VAZ-2107" markalı maşınlara çırpılıb. Qəza nəticəsində bir nəfər xəsarət alıb.

İlkin ehtimala görə, qəza "Mercedes"in sürücüsünün sükan arxasında özünü pis etməsi səbəbindən baş verib.
 
Faktla bağlı araşdırma aparılır.