Bakıda generalın bahalı maşınlarının təkərlərini deşdilər - İnsident

Bakı şəhərində bahalı maşınların təkərlərinin deşilməsi ilə bağlı kriminal hadisə baş verib. Avtosfer.az “Qafqazinfo”ya istinadən xəbər verir ki, bu haqda maşınların sahibi Hüseynov Etibar polis orqanlarına müraciət edib. O bildirib ki, ötən gün günorta saatlarında qızının həyat yoldaşı, Bakı sakini 1982-ci il təvəllüdlü Abdiyev Kamran Lətif oğlu ona məxsus olan Badamdar qəsəbəsində yerləşən fərdi yaşayış evinin həyətinə daxil olub. Bu zaman o idarə etdiyi “Hyundai” markalı maşınla həyətin darvazasını qırıb. Daha sonra həyətdəki E.Hüseynova məxsus olan 90 FH 018 nömrəli "BMW", 90 FG 494 nömrəli “Toyota” və 90 VX 949 nömrəli “Mercedess Galendevagen” markalı maşınların təkərlərini bıçaqla deşib.

Xəbərddə bildirilir ki, hadisəyə səbəb ailədaxili münaqişə səbəb olub. Belə ki, adıçəkilən şəxsin qızı boşanmaq istəsə də həyat yoldaşı buna razı olmayıb.

Məlumata görə, E.Hüseynov general-mayor rütbəsinə sahibdir və hüquq-mühafizə orqanlarında yüksək vəzifə tutub. Eyni zamanda, o, Azərbaycanın keçmiş hərbi komissarı, Milli Məclisin deputatı, general-leytenant Əliağa Hüseynovun əmisi oğludur. E.Hüseynovun qızı hazırda insident yaşadığı kürəkəni ilə ötən il ailə qurub.