Bakıda “KİA” aşdı; 2 yaralı var - FOTOLAR

Bakıda yol qəzası baş verib, maşınlardan biri aşıb. Avtosfer.az musavat.com-a istinadən xəbər verir ki, hadisə Nəsimi rayonu ərazisində, Hüseyn Seyidzadə və Cavadxan küçələrinin kəsişməsində qeydə alınıb. “4-cü mikrorayon dairəsi”ndə “Yol ver!” nişanının tələbini pozan “Mercedes” markalı avtomobil “KİA” markalı maşını vuraraq aşırıb. Hadisə nəticəsində “KİA”nın sürücüsü və sərnişini xəsarət alıb.

Əraziyə Nəsimi Rayon Polis İdarəsinin əməkdaşları gələrək, müayinələr aparıblar. Qəza nəticəsində zədələnən avtomobillər cərimə meydançasına yerləşdirilib. Faktla bağlı araşdırma aparılır.