Bakıda maşının nömrə yerinə “seks” yazan sürücü yaxalandı – FOTO

Bakıda avtomobilin nömrə nişanına müdaxilə edən sürücü saxlanılıb. Avtosfer.az xəbər verir ki, hadisə bu gün “Beşmərtəbə” dairəsi yaxınlığında baş verib. Belə ki, idarə etdiyi “BMW” markalı, 99 EX 551 dövlət nömrə nişanlı avtomobilin nömrəsinə biabırçı şəkildə müdaxilə edən sürücü Anar Şükürov saxlanılıb. Yol polisləri hesab edib ki, Anar Şükürov avtomobilin nömrəsindəki EX həriflərinin əvvəlinə flomasterla S hərifi artırmaqla nömrənin üzərindəki Azərbaycan bayrağına qarşı hörmətsizlik edib və qayda pozub. Belə ki, o, bu hərəkəti ilə dövlət nömrə nişanına müdaxilə edərək standartdan kənar vəziyyətə gətirib. EX seriyasını “SEX” kimi göstərən sürücü saxlanılara avtomobili cərimə meydançasına salınıb.

Elmin