Bakıda növbəti "Caspian Motor Show" sərgisi keçiriləcək - VİDEO

İyulun 18-dən 20-dək Bakıda ənənəvi "Caspian Motor Show" avtomobil sərgisi təşkil olunacaq. 

Avtosfer.az xəbər verir ki, sərgi Azərbaycan Avtomobil Dilerləri Assosiasiyasının təşkilatçılığı ilə baş tutacaq. Bu dəfə tədbir paytaxtın mərkəzində — Dənizkənarı Bulvarda, “Park Bulvar” AVM ərazisində keçiriləcək.

Qeyd edək ki, "Caspian Motor Show" hər il ənənəvi olaraq təşkil olunur. Sonuncu dəfə "Sea Breeze" istirahət mərkəzində baş tutan sərgi bu dəfə şəhər sakinləri və qonaqlara daha əlçatan məkanda təqdim ediləcək.

Sərginin açılışı iyulun 18-də saat 18:00-da olacaq. Tədbir çərçivəsində avtomobil sahəsində ən son yeniliklər, texnoloji trendlər və müxtəlif avtomobil markalarının nümayişi nəzərdə tutulur.

Sərginin təşkilati dəstəkçisi Azərbaycan Avtomobil Federasiyası, rəsmi tərəfdaşı isə “Park Bulvar” AVM-dir.

Eltac Zülfüqaroğlu