Bakıda sərxoş taksi sürücüsü saxlanıldı - VİDEO

Gecə saatlarında Bakı Şəhər Baş Dövlət Yol Polis İdarəsinin əməkdaşları paytaxtın Sabunçu rayonu ərazisində avtomobili sərxoş idarə edən taksi sürücüsünü saxlayıb.

Avtosfer.az anstv-yə istinadən xəbər verir ki, avtomobili uzaq vuran işıqlarla idarə edən sürücüyə polis əməkdaşları ilk öncə “saxla” əmri verib. Qaçmaq istəyən sürücü sonradan bunun mümkünsüz olduğunu görüncə polisə tabe olub. 

Yol polisi taksi sürücüsü Müşfiq Novruzova yaxınlaşıb onun sərxoş olub-olmamasını yoxlayıb.

Yol Patrul Xidmətinin əməkdaşı Səbuhi Zeynalov deyir ki, müayinə zamanı məlum olub ki, sürücü avtomobili sərxoş vəziyyətdə idarə edir. Sürücü özü də sərxoş olduğunu etraf edib. 

Kamera qarşısında danışmaqdan boyun qaçıran Müşfiq Novruzov əməlindən peşman olduğunu deyib. Ancaq gecələr taksi fəaliyyəti ilə məşğul olan sərxoş sürücünün avtomobili müvəqqəti dayancağa aparılıb və barəsində inzibati protokol tərtib edilib.