Bakıda yol qəzasında 4 nəfər öldü, sığorta 15 min ödədi

Maştağa qəsəbəsində baş verən qəzada ailə üzvlərini itirən şəxslərə kompensasiya ödənilib. İcbari Sığorta Bürosu (İSB) tərəfindən kompensasiya ödənişi həyata keçirilib. İSB-dən “APA-Economics”ə verilən xəbərə görə, büro tərəfindən 28 aprel 2013-cü il tarixində, saat 23:20 radələrində, Bakı şəhəri, Maştağa qəsəbəsi, Maştağa şosesində baş vermiş yol-nəqliyyat hadisəsində dörd ailənin üzvlərinin vəfat etməsi ilə əlaqədar Azərbaycan Respublikasının vətəndaşlarına 15 min manat məbləğində kompensasiya ödənilib.