Paytaxt Bakıda Zəfər Günü münasibətilə yürüş keçirilib. Yürüşdə hərbçilər və kursantlarla yanaşı sadə vətəndaşlar da iştirak ediblər. Paytaxt sakinləri əllərində bayraqlarla küçələrə axın ediblər.

Zəfər yürüşü 3 istiqamətdə təşkil olunub.

İlk istiqamət  Heydər Əliyev Sarayı-Azadlıq meydanı, II istiqamət Şəhidlər Xiyabanı-Bəhram Gur heykəli, III istiqamət isə Hüseyn Cavid prospekti-Şəhidlər Xiyabanı marşrutlarını əhatə edib.

Yürüş iştirakçıları Zəfər gününün xalqımızın qürur mənbəyi olduğuna diqqət çəkiblər.

Bayram ab-havasında davam edən yürüş günorta saat 1-ə qədər davam edib.