Baş nazirin müavini də “NAZ Lifan” sifariş etdi

Prezident İlham Əliyevin “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfransında məmurlara yerli istehsal olan “Naz-Lifan” avtomobilini tövsiyəsindən sonra məsələnin ölkə gündəmində müzakirəsi davam edir. Avtosfer.az “qafqazinfo”ya istinadən xəbər verir ki, Azərbaycanda müxtəlif vəzifələrədə təmsil olunan ayrı-ayrı məmurlar və nazirlər bu tövsiyədən irəli gələn addımlar atmağa başlayıblar. Onlardan bir neçəsinin avtomobil sifariş etməsi ilə bağlı məlumatlar yayılıb. Əldə etdiyimiz məlumata görə, siyahıda, hətta ən yüksək məmur elitası da var. Belə ki, Baş nazirin birinci müavini Yaqub Eyyubov da xidməti istifadə üçün “NAZ-Lifan” avtomobili sifariş edib.