Bəzi avtoservislər sürücüləri get-gələ salır - VİDEO

Adətən sürücülər avtomobilin təmiri ilə bağlı əlavə vaxt itkisindən xilas olmaq üçün yeni maşın almağa çalışırlar. Ancaq bəzən yeni avtomobil onları nəinki əlavə xərclərdən xilas edir, əksinə yeni problemlərə səbəb olur. Bu, adətən avtoservislərin sürücüləri get-gələ salmaları ilə bağlı olur. Bəs belə vəziyyətlərdə sürücülər hansı addımı atmalıdırlar?

Bir çox sürücü ustada vaxt itirmək istəmədiyindən, baha da olsa, təzə avtomobillərə üstünlük verir. Ölkəmizdə rəsmi təmsilçiliklərdən alınan bütün avtomobillərə marka və modelindən asılı olaraq, 3-7 il və ya 100-150 min kilometrə qədər zəmanət verilir. Rezin detallar və dövrü təmirdə nəzərdə tutulmuş hissələrdən başqa, avtomobili bütövlükdə əhatə edən zəmanət sürücüləri təzə maşın almağa sövq edir. Ancaq bəzən sürücülər zəmanətli avtomobillərinin təmiri üçün uzun müddət gözləməli olurlar.

Hüquqşünaslar isə zəmanətli avtomobilin təmir müddətinin uzun olmasını istehlakçı hüququnun pozulması kimi qiymətləndirilə biləcəyini deyirlər.