Bu yollarda 5 gün nəqliyyatın hərəkəti dayandırılacaq - SİYAHI

Azərbaycanda "Tour d'Azerbaidjan-2016" beynəlxalq velosiped turunun keçirilməsi ilə əlaqədar olaraq, Bakı şəhəri ərazisində yarışın hərəkət istiqaməti üzrə bəzi küçə və prospektlərdə avtomobillərin hərəkətinə məhdudiyyət qoyulacaq. Bu barədə Bakı şəhər Dövlət Yol Polisi İdarəsinin bölmə rəisi, polis polkovnik-leytenantı Vaqif Əsədov deyib. Onun sözlərinə görə, İdarə avtomobil sahibləri, paytaxt sakinləri və sürücülərin nəzərinə çatdırır ki, mayın 4-də səhər saat 09:30-dan etibarən start veriləcək yarış paytaxtın Dövlət Bayrağı Meydanından Bakı Dairəvi yolu ilə Bakı-Sumqayıt şosesi, Masazır-Novxanı-Sumqayıt istiqamətində və Sumqayıt şəhərinin bır sıra mərkəzi küçələri üzrə davam edəcək: "Həmin marşrut üzrə kəsişən əksər küçə və prospektlərdə avtomobillərin hərəkətinə məhdudiyyət qoyulmaqla istiqamət dəyişdiriləcək. Sürücülərdən xahiş olunur ki, həmin gün alternativ yollardan istifadə etsinlər".

Avtosfer.az mayın 5-8-də davam edəcək yarışla bağlı bağlanacaq yolların siyahısını təqdim edir:

May ayının 5-də saat 09.30-dan 15.30-dək- Bakı şəhərindən Şamaxı-İsmayıllı istiqamətində

May ayının 6-da saat 09.30-dan 15.00-dək - Qəbələ-Oğuz-Şəki istiqamətində və Şəki şəhərinin bir sıra mərkəzi küçələrində

May ayının 7-də saat 09.30-dan 13.30-dək - Qəbələ-İsmayıllı-Şamaxı istiqamətində Pirqulu kəndinədəkmaqistralda nəqliyyatın hərəkəti müvəqqəti olaraq dayandırılacaq.

May ayının 8-də səhər saat 09.00-dan 12.00-dək - Bakı şəhərində “Azadlıq meydanı – Neftçilər prospekti – Nobel prospekti – Zığ şosesi – Qala yolu – Buzovna – Bilgəh – Zağulba – Buzovna – Hava limanı şosesi” marşrutu üzrə nəqliyyatın hərəkəti müvəqqəti olaraq məhdudlaşdırılacaq, saat 09.00-dan 15.30-dək isə Heydər Əliyev prospekti – Yusif Səfərov küçəsi – Üzeyir Hacıbəyli küçəsi – Puşkin küçəsi – Azadlıq meydanı – Nefçilər prospekti – İçəri şəhərdə Kiçik Qala küçəsi – Qoşa Qala Qapısı – İstiqlaliyyət küçəsi – Sona xanım Vəliyeva küçəsi – Lermontov küçəsi – Teymur Elçin küçəsi – Mehdi Hüseyn küçəsi – Parlament prospekti – H.Cavid prospekti – Landau küçəsi – İnşaatçılar prospekti – Bakıxanov küçəsi – Səməd Vurğun küçəsi – Şəmsi Bədəlbəyli küçəsi – Bülbül prospekti – Üzeyir Hacıbəyli küçəsi – Puşkin küçəsi – Azadlıq meydanı” marşrutu üzrə nəqliyyatın hərəkəti müvəqqəti olaraq dayandırılacaq.

Fidan