Bütün taksilərdə eyni qiymət olacaq - YENİ TƏLƏB - VİDEO

Bu ilin sonundan etibarən Bakıda bütün taksilər vahid qiyəmətlə xidmət göstərəcək. Bununla bağlı Bakı Nəqliyyat Agentliyi tərəfindən konsepsiya hazırlanır. Sistem işə düşdükdən sonra bütün taksilərdə taksometr olacaq və kilometrə görə qiymət bütün taksilərdə eyni olacaq. Bu qiymətin isə indikindən aşağı olması nəzərdə tutulur.

Plana görə oktyabrdan etibarən taksometr quraşdırılmayan taksilərə fərqlənmə nişanı verilməyəcək və proses başa çatdıqdan sonra vahid qiymət tətbiq ediləcək. Lisenziyalar 1 aylıq müddətə verildiyindən bir neçə aya bütün taksilərə bu cihazın quraşdırılması planlaşdırlır. Yeni sistem yalnız fərdi taksilər üçün keçərli olacaq. Taksi şirkətlərinində rəqabətə tab gətirmək üçün qiyməti aşağı salacağı gözlənilir. Düşünülür ki, bu üsulla həm də sürücülərin qeydiyyatı və vergiyə cəlb edilməsi asanlaşacaq.

Hazırda taksilərə verilən fərlənmə nişanı 18 manatdır, amma qiymətin artması gözlənilir. Taksi sürücüləri isə qiymətin normal təyin ediləcəyi təqdirdə vahid qiymətlə çalışmağın onlar üçün hər hansı çətinlik yaratmayacağını bildirir.

Qiymət Tarif Şurası tərəfindən tənzimlənəcək. Taksometrsiz fəaliyyət  göstərəcək  taksilərə  tətbiq ediləcək cərimələr  isə  daha sonra  müəyyənləşəcək.