Çin avtomobillərini ən çox kim alır?

Rusiyada Çin avtomobili alanlarla bağlı araşdırma aparılıb. 

Avtosfer.az xəbər verir ki, Çin avtomobilinə maraq göstərənlərin 36 faizi indiyədək VAZ avtomobili sürənlərdir. Onlar münasib qiymətə daha çox opsiya təqdim edən maşın axtarırlıar.   
İkinci qrupa isə istehsal ili köhnə olan yapon avtomobili idarə edənlər daxildir – təxminən 16 faiz. Onlar təzə rus maşını almaq istəmir, taqətdən düşmüş yapon maşınına isə xərc qoymaq istəmirlər. 
Növbəti yerlərdə isə “ayağını yerdən götürən vasitə” axtaranlar gəlir. Onlar əsasən ucuz, lakin təzə avtomobil axtaranlardır. İriqabaritli, lakin çox da baha olmayan (Avropa texnikası ilə müqayisədə) maşın arzusunda olanlar da  Çin istehsalı olan krossoverlərə meyl edirlər.
Çin maşınına ən az marağı Qərb brendlərini sevənlər  göstərir. Onlar avtomobillərini təzələyərkən çox az hallarda Çin maşını seçirlər. Son çarə olaraq Çin maşını seçdikdə isə onu imkan düşən kimi dəyişirlər. Səbəb Avropa və ABŞ avtomobillərinə vərdiş edənlərin Çin modellərinə uyğunlaşa bilməməsidir.

Vüqar