Çin avtomobillərinin daha bir problemi üzə çıxdı

Rusiyada bu il qış bir qədər yumşaq və gec başlayıb. 

Avtosfer.az  xəbər verir ki, əksər regionlarda qar və buz dekabrda müşahidə olunub. Elə ilk buzlaşma və şaxtalar Çin istehsalı olan avtomobillərdə qəribə nasazlığı üzə çıxarıb. 

Məlum olub ki, çox soyuq havada avtomobilin arxa şüşəsi qızdırılıan zaman çatlayır, bəzən də ümumiyyətlə dağılır. Avtomobil sahibləri müxtəlif versiyalar səsləndirsələr də, ekspertlər başqa cür düşünürlər.
Onların fikrincə, şüşənin içindəki közərmə sapları zəifdir və bir qədər yüklənmə olan kimi qırılır. Bu da ciddi qızmaya və şüşənin dağılmasına səbəb olur. 

Dilerlər şüşənin qırılmasının zəmanətə aid olmadığını bildirirlər. Avtomobil sahibi təmir xərcini özü çəkməli olur. 

Azərbaycanda qış Rusiyadakı kimi sərt olmadığı üçün belə bir problemin ortaya çıxmaq ehtimalı azdır.

Vüqar