Çin maşınlarına hansı benzini tökək? – EKSPERT RƏYİ 

Azərbaycanda Çin maşınları kifayət qədər populyarlaşıb. Onların çoxunu 1,5 və ya 1,6 litrlik turbo benzin mühərrikli avtomobillər təşkil edir. Rəsmi sənədlərə görə Çin maşınları Avropa modellərindən fərqli olaraq 92 oktanlı benzinlə istismar olunur. İstehsalçı məhz 92 oktan tövsiyə edir. Lakin Çin maşınlarının kütləviləşdiyi Rusiyada ekspertlər başqa cür düşünürlər. 

Avtosfer.az xəbər verir ki, rus ekspert Aleksey Balaşov (həm də ehtiyat hissələri satan şirkətdə böyük vəzifə tutur) iddia edir ki, 92 oktanlı benzin məsələsi marketinq gedişindən başqa bir şey deyil. Bu yolla alıcı cəlb olunur. Uzunmüddətli istismar zamanı aşağı oktanlı benzin qazanc gətirmir.
Digər rus ekspertlər də oxşar fikir səsləndirirlər. Onların fikrincə, Çin  modellərinin kompressorlarında təzyiq çoxdur. 92 oktanlı benzin bu təzyiqdə detonasiyasız yana bilmir. Müasir alışdırma sistemləri detonasiyanın qarşısını almaq üçün alışma bucağını qabağa çəkir. Nəticədə güc azalır, mühərrikdə aşınma artır. 
Digər tərəfdən, 92 oktanlı benzin yanarkən daha çox istilik ayrıldığı üçün turbokompressor və qaz xaricetmə sistemləri çox güclü qızır və aşınır. Aşağı oktanlı benzin mühərrikin sabit işləməsinə mane olur, titrəyiş və səs artır. Bu səbəbdən  95 oktanlı benzin tövsiyə olunur. 
Rus ekspertlər bir məqamı da diqqətə almağı məsləhət görürlər: Çində satılan 92 oktan benzin MDB-dəki 98 oktanlı benzinlə eyni keyfiyyətdədir.

Vüqar