Daha tez xarab olan 3 etibarsız avtomobil - SİYAHI

Bütün krossoverlər və minik avtomobilləri uzunömürlülük üçün yaradılmır. Bəzi modellər tez-tez xarab olur. Avtosfer.az bildirir ki, ekspertlər çox tez-tez xarab olan avtomobilləri açıqlayıblar. Bu modellərin yüksək etibarlılıq reytinqləri yoxdur.

Hansı avtomobillər etibarsızdır?

Land Rover Range Rover

Land Rover Range Rover ucuz model deyil. Bu, dəbdəbəli interyerə və zəngin avadanlıqlara malik avtomobildir. Bununla belə, Land Rover Range Rover etibarlılıq problemlərində ədalətli paya malikdir, - “AutoInsurance.org”un avtomobil sənayesi üzrə eksperti Melani Musson xəbərdar edir. 

Onun sözlərinə görə, bu avtomobil tez-tez məlumat-əyləncə sistemi, elektronika və pnevmatik asqının nasazlığından əziyyət çəkir. 

"Mühərriklə bağlı problemlər avtomobili yenidən işə salmaq üçün həftələr çəkə biləcək təmirə səbəb ola bilər", - ekspert əlavə edib.

Volkswagen Taos

Musson həmçinin “Volkswagen Taos”u etibarsızlığına görə tənqid edib. O, bu avtomobilin mühərrik problemləri ilə tanındığını vurğulayıb. Modelin elektron komponentləri də tez-tez sıradan çıxır.

Bundan əlavə, ekspertin sözlərinə görə, “Volkswagen Taos”un yanacaq sistemində problemlər var. Musson xəbərdarlıq edib ki, təmir çox bahalı ola bilər.

Jeep Grand Cherokee

Jeep Grand Cherokee əla imkanları ilə tanınır. Bununla belə, bu modelin etibarlılıq problemləri var.

"Jeep, ümumiyyətlə, tez-tez xarab olan avtomobil kimi tanınır. Müxtəlif illərin “Grand Cherokee”lərin müxtəlif problemləri var", - ekspert paylaşıb (Lent.az).