Əgər 15 min manatdan az pulunuz varsa, bu avtomobilləri almayın - SƏBƏB

"Əgər 15 min manatdan az pulunuz varsa, "Volkswagen Passat CC", "BMW E60”, “BMW X5", "Land Rover", "Mercedes W210, ML", "Audi A6, Q7" və s. bu tipli lüks avtomobilləri qəti şəkildə almayın”.

Avtosfer.az xəbər verir ki, bu sözləri avtobloger Bəhruz Güləli deyib.

Avtobloger bütün bu avtomobilləri almamaq üçün cəmi bir səbəb olduğunu söyləyib:

“İli köhnə olan bu avtomobillərin elektronik problemləri bitmir və siz dami sürətlər panelində hər cür işıqlar görəcəksiniz, avtomobili təmir edib, başa çıxara bilməyəcəksiniz. Bu məbləğə avtomobil almaq istəyənlər əsasən Avropa avtomobili deyil, Asiya istehsalı avtomobillər arasından seçim etsin. Çünki bu avtomobillərin elektronik sistemləri az olduğu üçün təmirinə də az pul lazım olur. Ən əsası avtomobil alan zaman büdcənizi dəqiq analiz edin və ona uyğun avtomobil seçimi edin".