Elektromobildə yeni rekord: saatda 496 kilometr - VİDEO

Çinin elektromobil istehsalçıları daha bir rekorda imza atıblar. Daha doğrusu öz rekordlarını yeniləyiblər.

Avtosfer.az-ın xəbər verir ki, Almaniyanın Papenburq poliqonunda sınaq zamanı Yangwang U9 elektromobili 496,22 km/saat sürətlə hərəkət edib. Sükan arxasında məşhur alman pilot Mark Bassenq olub.

Elektromobili ümumi gücü 3019 at gücü olan 4 elektrik mühərriki hərəkətə gətirir. Hər təkərə 1 ədəd 754 at gücündə mühərrik xidmət edir.

Müqayisə üçün deyək ki, elektromobillərin böyük əksəriyyətində mühərrik gücü 300-dən azdır. 
Qeyd edək ki, cəmi 1 ay əvvəl eyni elektromobillə 472 km/saat sürət rekordu qeydə alınmışdı.

Vüqar Yaşaroğlu