Ən etibarsız ikinci əl elektrik avtomobillərin SİYAHISI AÇIQLANDI

“What Car” avtomobil portalı ən etibarsız ikinci əl elektromobillərin siyahısını açıqlayıb.

Avtosfer.az xəbər verir ki, bu məqsədlə nəşr avtomobil sahibləri arasında sorğu keçirib. Avtomobillər 100 ballıq sistemlə qiymətləndirilib.

Beləliklə, ikinci əl bazarında ən etibarsız elektrik avtomobili 2022-ci ildən istehsal olunan “MG4 EV” olub. Respondentlər bunu 63,8% səviyyəsində qiymətləndiriblər. Sorğuda iştirak edən avtomobil sahiblərinin 30%-i nəqliyyat vasitəsində problemlərin yarandığını söyləyiblər.

İkinci yeri “Vauxhall Corsa Electric” tutur. Onun etibarlılıq reytinqi 72,2% təşkil edir və sorğuda iştirak edən sahiblərin 25%-i nasazlıqlardan şikayətlənib.

Üçüncü yerdə 76,2% etibarlılıq reytinqi ilə “Porsche Taycan” qərarlaşıb. Sahiblərin 58%-i avtomobildə nasazlıqların olduğuğn deyiblər.

Bundan başqa 2021 “Hyundai Ioniq 5” və 2016 “Hyundai Ioniq” modelləri etibarsızlar siyahısına daxil edilib. Bu modellərin etibarlılığı müvafiq olaraq 83,9% və 84,5% səviyyəsində qiymətləndirilib.

Namiq Musayev