Ən təhlükəsiz avtomobillərin adları AÇIQLANDI

Keçirilmiş zərbə testlərindən sonra "Euro NCAP" komitəsinin ekspertləri ən təhlükəsiz avtomobillərin reytinqini tərtib ediblər. Nəqliyyat vasitələri bir neçə meyar əsasında qiymətləndirilib. Avtosfer.az-ın salamnews-a istinadən xəbərinə görə, sınaqlar nəticəsində ən təhlükəsiz avtomobil "Honda Insight" seçilib.

Bu modelin sınaqları hələ 2009-cu ildə keçirilsə də, model "Toyota Prius"-un nəticələrini geridə qoyub. "Toyota" da 326% toplamaqla yüksək təhlükəsizlik reytinqi qazanıb.

İkinci yeri 356%-lə 5-ci nəsil BMW markası tutub.

"Euro NCAP" ekspertlərinin fikrincə, üçüncü yerə 2011-ci ildə testdən keçirilmiş "Chevrolet Aveo" layiqdir.

Liderlər beşliyinə "Volvo V40" və "Qoros 3 Sedan" daxildir.

Keçirilmiş zərbə testləri "Mercedes-Benz V-Class", "Volvo XC90" və "Toyota Prius" hibridinin də təhlükəsizliyini üzə çıxarıb. Onluğa "Volvo V90/S90" yekun vurur. Avtomobil 2017-ci ildə yekun sınaqlardan keçirilib.