"Ford" 15 mindən çox avtomobili geri çağırıb  

"Ford" Rusiyada 15 mindən çox avtomobili geri çağırıb. Avtosfer.az-ın Trend-ə istinadən məlumatına görə, geri çağırılma Rusiyada 2012-ci ilin mayından 2014-cü ilin dekabrınadək satılmış "Kuqa" və “C-Max” modellərinə şamil olunur. Məlumatda qeyd olunur ki, qərar silindr bloku başlığının qızması ilə əlaqədardır. Bu qüsurun korpusda çatların yaranmasına və yağ sızmasına səbəb ola biləcəyi deyilir. Qeyd edək ki, bu avtomobillərdə təmir işləri avtomobil sahibləri üçün ödənişsiz həyata keçiriləcək.