Gəncədə sürücü özünü pis hiss etdi; görün nələr baş verdi - 3 yaralı

Gəncə şəhərində zəncirvari yol qəzası baş verib. Avtosfer.az-ın APA-ya istinadən məlumatına görə, hadisə şəhərin Şeyx Bahəddin küçəsində qeydə alınıb. “Mercedes” markalı avtomobil idarəetməni itirərək əvvəlcə “Hyundai” markalı, daha sonra “Niva” və “VAZ-2107” markalı maşınlara çırpılıb. Qəza nəticəsində bir nəfər xəsarət alıb. İlkin ehtimala görə, qəza “Mercedes”in sürücüsünün sükan arxasında özünü pis etməsi səbəbindən baş verib.

***

Gəncənin Şeyx Bahəddin küçəsində 3 nəfərin xəsarət alması ilə nəticələnən yol nəqliyyat qəzası baş verib. Şəhər sakini 1975-ci il təvəllüdlü Ziya Əliyev idarə etdiyi “Mercedes” markalı avtomobillə hərəkətdə olarkən özünü pis hiss edərək idarəetməni itirib və maşın “Hyundai”-a çırpılıb. “Hyundai” isə başqa iki avtomobilə dəyib. Daha sonra “Mercedes” “Niva” və “VAZ-2107” ilə toqquşub. Qəza zamanı “VAZ” yolun kənarında olan iki piyada, 1979-cu il təvəllüdlü Seymur İsmayılov və 1988-ci il təvəllüdlü Mirvari Tağıyevanı vuraraq mağazanın divarına çırpılıb. Xəsarət alan 3 nəfər Gəncə şəhər Təcili Tibbi Yardım xəstəxanasına yerləşdirilib. Vəziyyətlərinin orta ağır olduğu bildirilir.

Faktla bağlı Gəncə şəhər Baş Polis İdarəsində araşdırma aparılır.