Gözlənilməz qərar - Benzin və dizellə işləyən avtomobillər ləğv olunur

2040-cı ildən Böyük Britaniyada benzin, yaxud dizel yanacağıyla işləyən avtomobillərin satışına qadağa qoyulacağı planlaşdırılır. Bu qərar havanın keyfiyyətinin yaxşılaşdırılması üzrə hökumət strategiyasının tərkib hissəsidir. Yerli hökumətlərin avtomobillərdən azot dioksid tullantılarının havaya buraxılması ilə mübarizəsinə dəstək vermək üçün büdcədən 255 mlrd. funt ayrılacaq. Britaniya hökumətinin araşdırmalarına görə, hava çirklənməsi il ərzində 50 min insanın erkən ölümünə səbəb olur. Çirklənmənin nəticələri dövlət büdcəsinə hər il 27, 5 mlrd. funt sterlinqə başa gəlir. Ölkədə dizel avtomobillərinin satışının stimullaşdırılmasına karbon dioksidin planetdə qlobal istiləşməyə təsir göstərən ən təhlükəli tullantı kimi qəbul edilməsindən sonra başlanılıb. Hazırda isə alimlər və  hökumət rəsmiləri avtomobillərdən azot dioksid tullantlarının həddindən çox  böyük həcmdə buraxılmasından narahatdır.