Gürcüstan Azərbaycana avtomobil ixracı artırıb

Bu ilin yanvar-aprel aylarında Gürcüstandan Azərbaycana 9 mln. 277,2 min dollar dəyərində 357 ədəd avtomobil gətirilib. Avtosfer.az xəbər verir ki, bu barədə APA-ya Gürcüstanın Statistika Xidmətinə istinadən məlumat verib. Ölkəyə gətirilən avtomobillərin sayı ötən ilin 4 ayı ilə müqayisədə 137 ədəd və ya 62,3% çoxdur. Məbləğ baxımından isə bu rəqəm 2 mln. 181,9 min dollar və ya 30,75% çoxdur. Qeyd edək ki, 2016-cı ilin 4 ayında Gürcüstandan Azərbaycana 7 mln. 95,3 min dollar məbləğində 220 ədəd avtomobil gətirilib.