İki ölkənin sərhədində 22 km tıxac yarandı, heç kimi zolağı pozmadı

Bu gün saat 12-14 arasında İsveçrə ilə İtaliya arasındakı Qotard tunelinin girişində tıxacın uzunluğu 22 kilometrə çatıb. Avtosfer.az-ın xəbərinə görə, bu tuneldə tıxac rekordu 1999-cu ildə qeydə alınıb. Həmin ilin may ayında tıxacın uzunluğu 29 km-ə çatırdı. Axşam saatlarında tıxacın uzunluğu nisbətən azalıb.

İtaliyanın gömrük nəzarəti məntəqəsi qarşısında isə tıxacın uzunluğu 4 km-ə düşüb. 
Nəqliyyat sıxlığına səbəb isveçrəlilərin kütləvi şəkildə həftə sonu İtaliyaya getməsidir. İtaliyadan İsveçrəyə hərəkətdə isə seyrəklik müşahidə olunur. 
Burada maraqlı bir məqam da var: sürücülər hamısı eyni xətt üzrə hərəkət edir. Sağ tərəfdəki ehtiyat yol boş olsa da, heç kim ora çıxmır. 
PS. İsveçrədə xüsusi ayrılmış yola çıxmağa görə cəza da böyükdür – 110 frank, təxminən 200 AZN.

Vüqar