İşlənmiş akkumulyatorları təhlükəsiz utilizasiya üçün qayda QÜVVƏYƏ MİNDİ

Martın 1-dən etibarən Rusiyada bütün hüquqi şəxslər işlənmiş akkumulyatorları təhlükəsiz utilizasiya üçün Federal ekoloji operatora təhvil verməli olacaqlar. Avtosfer.az bildirir ki, TASS agentliyinin xəbərinə görə, artıq tariflər də müəyyən edilib. Hökumətin qərarında göstərilir ki, hüquqi şəxslər öz fəaliyyətləri zamanı yaranan turşulu akkumulyator tullantılarını II kateqoriya təhlükəsinə aid edilən tullantı kimi təhvil verməlidirlər. Yeni qayda bu tullantıları özləri emal edə bilən şəxslərə  şamil edilmir. 
Əhaliyə gəldikdə isə, akkumulyator qəbulu məntəqələri fəaliyyətlərini köhnə qaydada davam etdirəcək. fiziki şəxslər bu tullantıları məntəqələrə məhdudiyyətsiz təhvil verə biləcəklər.
Qeyd edək ki, Rusiyada son illərdə işlənmiş akkumulyatorların toplanmasından qəbul məntəqələri kifayət qədər böyük vəsait əldə edib. Bəzi adamlar kəndləri gəzərək bu avadanlığı ucuz qiymətə toplayaraq rayon mərkəzində sataraq qazanc əldə edirlər. Beləliklə, həm bir qrup adam gəlir əldə edir, həm də ekoloji çirklənmə azalır.

Vüqar