İşlənmiş "Tesla" alanın başına gələn əhvalat

Bu əhvalat xarici ölkələrin birində yaşayan şəxsin başına gəlib.

Avtosfer.az xəbər verir ki, əvvəlki sahibi Teslanı “valet rejimi”ndə satıb, yəni bəzi funksiyaları özündə saxlayıb. Elektromobilin birinci sahibi ilk günlərdən maşına müdaxilə etməyə başlayıb. O soyuq havada kondisioneri işə salıb, isti havada oturacaq qızdırıcılarını qoşub, yaxud gecə yarısı siqnal verib. 

Lakin bu tərbiyəsizlik uzun çəkməyib. Maşını alan şəxs başına gələnləri Feysbukda ictimailəşdirdikdən sonra bir haker ona pulsuz yardım təklif edib.

Haker Teslanın birinci sahibinin bütün şəxsi məlumatlarını elə avtomobilin özü vasitəsi ilə ələ keçirib. Bundan sonra sürücü avtomobilin birinci sahibi ilə əlaqə yaradaraq belə davam edərsə şəxsi məlumatları ictimailəşdirəcəyini bildirib.

Təhdidin ciddiliyini anlayan Teslanın birinci sahibi avtomobilə müdaxilə etməyi dayandırıb. 

Məşhur xalq məsəlində deyildiyi kimi, “dinsizin öhdəsindən imansız gələr”.

Vüqar