![Adına beş şirkət açıldı: vergi borcu gələndə xəbər tutdu - VİDEO](/upload/news/small/3478829.jpeg)
İsti havalarda bu əşyaları avtomobilinizdə saxlamayın – Təhlükəli ola bilər
![İsti havalarda bu əşyaları avtomobilinizdə saxlamayın – Təhlükəli ola bilər](/upload/news/4008224.jpg)
Bəzi əşyalar var ki, isti havada avtomobilinizdə saxlamaq məsləhət görülmür.
Avtosfer.az xəbər verir ki, bu isti avqust günlərində maşınlarımız sözün əsl mənasında sobaya çevrilib. Yaddan çıxardığınız və ya avtomobildə qoyduğunuz bəzi əşyalar əslində böyük təhlükələrə səbəb ola bilər.
Mümkün risklərin qarşısını almaq üçün isti havada avtomobildə qoymamağınız lazım olan əşyalar:
- yemək və içkilər
- elektron cihazlar
- təzyiq qutuları
- dərmanlar
- plastik su qabları
- yemək və içkilər
Avtomobildə qalan yeməklər və içkilər yüksək temperaturdan xarab ola bilər.
ELEKTRON CİHAZLAR
Telefonlar, planşetlər, noutbuklar və digər elektron cihazlar həddindən artıq temperaturdan zədələnə bilər. Üstəlik, bu cür cihazların batareyaları da partlaya bilər.
TƏZYİQ QUTULARI
Havaların isti keçməsi dezodorant, saç spreyi, təmizlik məhsulları kimi məhsulların qutularının içərisində təzyiqin artmasına səbəb olur ki, bu da partlama riski yaradır.
DƏRMANLAR
Ən vacib maddələrdən birinə gəldik. İstiyə xüsusilə həssas olan dərmanlar keyfiyyətini və təsirini itirə bilər.
PLASTİK SU QABLARI
Plastik qabda yüksək temperaturlara məruz qaldıqda kimyəvi maddələr buraxa bilər. Plastik qabda suyun uzun müddət günəş şüalarına məruz qalması suyun qoxusunun və dadının dəyişməsinə səbəb ola bilər.
Mümkünsə, avtomobilinizi və onun içindəkilərini istidən və günəşdən qorumaq üçün kölgədə saxlayın.
Digər tərəfdən, əgər avtomobiliniz təhlükəsiz yerdədirsə pəncərələri bir qədər açıq qoyaraq da hava axını yarada bilərsiniz.
Namiq Musayev