İsveçrə 66 illik qadağanı ləğv edir – Avtomobil yarışları bərpa edilir - VİDEO

Saatları, şokoladı, bıçağı və gözəl yolları ilə seçilən İsveçrədə 66 ildir avtomobil yarışı qadağandır. Bu da səbəbsiz deyil, lakin qadağa götürülə bilər. Avtosfer.az-ın xəbərinə görə, İsveçrədə yaxın aylarda avtomobil idmanına yenidən icazə verilməsi gözlənilir. Artıq Dövlət Şurası 27 səs lehinə, 15 səs əleyhinə olmaqla Federal qanunun 52-ci maddəsinin ləğvinə səs verib. Qərar daha yuxarı instansiyalarda təsdiqləndikdən sonra qüvvəyə minəcək.
Bəs Formula-1 və digər yarışlara yüksək səviyyəli pilotlar göndərən ölkədə nə üçün avtomobil yarışı qadağandır? Tarixə qayıdaq: 
11 iyun 1955-ci ildə keçirilən 24 Heures du Mans yarışında baş vermiş qəza və partlayışda 84 nəfər həlak olmuş, 200-dən çox adam xəsarət almışdı. Bu qəzadan sonra İsveçrədə bütün növ avtomobil yarışları qadağan edən məşhur 52-ci maddə 1956-cı ildə qüvvəyə mindi.
Aşağıdakı linkdə qəzanın kadrları yer alır.

Avtosfer.az olaraq yaxın günlərdə avtomobil idmanı tarixinin ən böyük qəzası barədə ətraflı xəbər verəcəyik.

Vüqar Yaşaroğlu