İlk avtomobil radioqəbulediciləri nə vaxt yaranıb?

Avtomobillərdə musiqi aparatının quraşdırılması heç də avtomobil istehsalçıları ilə əlaqəli deyil. Avtosfer.az xəbər verir ki, bu sahədə başqa təyinatlı şirkətlər ilk addımı atıb. 1929-cu ildə gələcəkdə “Motorola” şirkətini təsis edəcək Pol və Cozef Qalvin qardaşları (o zamanlar "Galvin Manufacturing Corporation” şirkətinin sahibi olublar) tərəfindən  bazara ilk avtomobil radiosu təqdim edilib. “Motorola” adlı müvafiq musiqi qurğusu yararlı kommersiya məhsulu görünüşünə malik olub.

Qeyd etmək lazımdır ki, həmin illərdə “-ola” suffiksi səs elektronikası istehsal edən şirkətlər arasında böyük populyarlığa sahib olub. Bu obrazla yeni radioqəbuledicinin adında avtomobil tematikası (motor) və səs (ola) ahəngi yaranıb. Ümumilikdə isə anlamı “hərəkətdə olarkən səs” mənasını ifadə edib.

Müvafiq ixtira tarixdə kommersiya baxımından uğurlu ilk avtomobil radioqəbuledicisi olub. İlk model isə şirkətə məxsus “Studebaker” avtomobilində quraşdırılıb.

Qeyd edək ki, 1947-ci ildə şirkətin köhnə adı “Motorola Inc” ilə əvəzlənib.