İranlı sürücü Azərbaycanda öldü - Sükan arxasında ürəyi tutub - FOTO

Astarada yol qəzası törədən və hadisə yerində dünyasını dəyişən şəxsin adı məlum olub. Bu, Təbriz şəhərində doğulmuş 1977-ci il təvəllüdlü Seyid Məhəmməd Reyhani Seyid Mirkazım oğludur. 39 b 59710 nömrə nişanlı maye-qaz daşıyan sisterna yük maşını aşandan sonra yolun kənarındakı gözəllik salonunu dağıdıb. Salonun içərisində 3 nəfər olsa da, onlar xəsarət almayıblar. Bundan əlavə, 10 min kVt-lıq elektrik dirəyi sıradan çıxıb və nəticədə yüksəkgərginlikli elektirik xətlərinə ziyan dəyib. 

***17:49

Astarada ölümlə nəticələnən yol qəzası baş verib. "Report" xəbər verir ki, "Volvo" markalı yük maşını Astara-Şahağacı yolunda aşıb. Sürücünün ürəktutmadan halı pisləşib, nəticədə o, idarəetməni itirərək yoldan çıxıb. Hazırda FHN-in xilasediciləri deformasiyaya uğramış avtomaşının içərisindən sürücünü çıxarmağa çalışırlar. İran vətəndaşı olan sürücünün şəxsiyyətini dəqiqləşdirmək mümkün olmayıb.