İstirahətdən qayıdanlar reydə düşdü - 22 nəfər cərimələndi

Gəncə Şəhər Baş Polis İdarəsinin Dövlət Yol Polisi İdarəsinin əməkdaşları dünən axşam Hacıkənd qəsəbəsində növbəti reyd keçirib. Avtosfer.az "Report"a istinadən xəbər verir ki, reyd zamanı 7 sürücünün avtomobili sərxoş vəziyyətdə aşkar etməsi, 5 sürücünün isə nəqliyyat vasitəsini sürücülük hüququ olmadan idarə etməsi faktı aşkarlanıb. Reyd zamanı həmçinin 10 avtomobilin texniki baxışdan keçməməsi müəyyən olunub.

Qaydaları pozmuş sürücülərin nəqliyyat vasitələri cərimə meydançasına aparılıb.

Gəncə Şəhər Dövlət Yol Polisi Şöbəsinin rəis müavini Elşad Nəbiyevin verdiyi məlumata görə, bu cür profilaktik reydlər istirahət zonalarında bundan sonra da mütəmadi olaraq davam etdiriləcək.