"Kamaz" sürücüsü Yeni ildə 500 min manat qazandı - FOTO

Türkiyədə kamaz sürücüsü bayram lotereyasından 500 min manatdan çox pul qazanıb. Ordu şəhərində illərdir kamaz sürücüsü olaraq fəaliyyət göstərən Mutlu Gökmen Kaya adlı şəxs hər il keçirilən “Yeni il lotereyası”nda bəxtini sınamaq üçün 20 ədəd bilet alıb. Aldığı biletlərdən biri 1 milyon 250 min lirəlik pul mükafatına (562 min manat) sahib olub. Evli, 2 uşaq atası olan sürücü pul qazanmasına baxmayaraq, yenə də "Kamaz" sürücüsü olaraq işləyəcəyini bildirib və qazandığı mükafatın 50 min lirəsini “Ordu spor” idman klubuna bağışlayacağını açıqlayıb.