Lüks avtomobil istehsalçısı iflasa uğradı

Almaniyanın dəbdəbəli avtomobil istehsalçısı “Isdera” iflas elan edib.

Avtosfer.az xəbər verir ki, bu barədə “Bild” qəzeti məlumat yayıb.

Az sayda bahalı, sifarişli avtomobillər istehsal edən şirkət 40 ildən çoxdur fəaliyyət göstərir. Şirkət 1982-ci ildə Leonberqdə avtomobil dizayn mühəndisi Eberhard Schulz tərəfindən təsis edilmişdi. Onun ofisi hazırda Sent-İnqbertdə (Saarland) yerləşir.

“Isdera” avtomobilləri hərraclarda bir milyon avrodan baha qiymətə satılıb. Məsələn, “Commendatore 112i” modeli 2021-ci ildə 1,2 milyon avroya satılıb. 2016-cı ildə Schulz “Isdera”nı Çin tərəfdaşları ilə elektrik avtomobili hazırlayan “Sinfonia Automotive AG” şirkətinə satdı. Ancaq uğur heç vaxt gəlmədi.

Nəşr aydınlaşdırıb ki, iflas ərizəsi aprelin 11-də Saarbrüken rayon məhkəməsinə verilib.