Maşının bu hissəsini təmizlətdirin - 500 manat ziyana düşə bilərsiz - VİDEO

Yağışlı havalarda avtomobilin salonuna su daxil ola bilər. Avtosfer.az xəbər verir ki, buna səbəb avtomobilin bir neçə hissəsində olan drenaj borularının palçıq və yaxud qurumuş yarpaqlarla dolmasıdır. Ustaların bildirdiyinə görə, son günlər belə şikayətlə müraciət edənlərin sayı artıb. Halbuki, hər bir sürücü sadə bir üsulla avtomobildəki drenaj sistemlərinin tutulub- tutulmadığını yoxlaya bilər.

Əgər alın şüşəsinə tökülən su yerə gec tökülürsə və ya heç tökülmürsə, bu, təhlükədən xəbər verir. Belə olduqda ustaya müraciət etməli və ya mil vasitəsi ilə drenaj sistemləri təmizlənməlidir.

Sorğularımız isə onu göstərir ki, bir çox sürücü bundan xəbərsizdir. Yağışlı günlərin hələ qabaqda olduğunu nəzərə alan ustalar, sürücülərə avtomobillərin drenaj sistemini təmizlətdirməyi tövsiyə edir.