Maşınlar bu küçədən evakuasiya edilməyəcək – Yol polisi həll etdi

Həsən bəy Zərdabi küçəsində sürücüləri çaş-baş salan nişanlarla bağlı yazmışdıq. Hətta DYP rəhbərliyindən xahiş etmişdik ki, bu məsələ araşdırılsın, bunu edənlər məsuliyyətə cəlb edilsin. Avtosfer.az xəbər verir ki, məsələyə dərhal reaksiya verilib. Belə ki, ərazidəki 3.27 və 7.5.4 nişanını artıq oradan götürüblər. İndi ora bütün fotodan da göründüyü kimi, sutka boyu parklanma yeridir. Amma bu səhvə kimin yol verdiyini hələ ki, bilmirik. Yəqin araşdırandan sonra bu barədə də məlumat alarıq. Belə səhvlərə yol verənlər barəsində tədbir görülməlidir ki, heç kəs narahat olmasın, kənar söhbətlərə də yer qalmasın.

Emin