Məmur oğlu "avtoş"luq etdi - VİDEO

Rusiyanın Dağıstan Respublikasının paytaxtı Mahaçqala şəhərinin merinin oğlu Badrudin Musayev "avtoş"luq edib. Avtosfer.az publika.az-a istinadən bildirir ki, hadisənin görüntüləri "Life" saytı tərəfindən dərc edilib. Videoyazıya görə, Badrudin Musayev "Mercedes-Benz" avtomobili ilə təhlükəli fəndləri icra edir və yol polislərinin gözləri qarşısında yol hərəkəti qaydalarını pozur. Hadisə mayın 31-i gecəsi Mahaçqalada baş verib. Dövlət yol hərəkəti təhlükəsizlik müfəttişliyinin əməkdaşları sənədlərin yoxlanılması üçün Musayevi dayandırıblar. Ancaq sürücü sənədləri təqdim etməkdən imtina edib. İyunun 8-də Musayev barəsində cinayət işi qaldırılıb.