Mesenat Fərhad Əhmədov dünya çempionuna “Porshce” hədiyyə etdi - FOTO

Kikboks üzrə dünya çempionu, “Mauqli” ləqəbli dünya şöhrətli həmyerlimiz Zabit Səmədova bu yaxınlarda çox dəyərli hədiyyə verilib. Avtosfer.az saytı xəbər verir ki, bu barədə “Porshce Center”in məlumatında bildirilir. 

Saytın əldə etdiyi məlumata görə, məşhur idmançı bu hədiyyəni Rusiyada yaşayan Azərbaycan əsilli milyarder-mesenat Fərhad Əhmədovdan alıb. Fərhad Əhmədov Zabit Səmədovu idman sahəsində qazandığı nailiyyətlər, Azərbaycanı dünyanın idman arenalarında və mötəbər yarışlarda layiqincə təmsil etməsi, habelə sonuncu birincilikdə dünya çempionu titulu qazanması münasibətilə təbrik edib və ona qiymətli hədiyyə – dəyəri 150.000 ABŞ dolları olan “Porshce Cayenne GTS” markalı avtomobil bağışlayıb.

Qeyd edək ki, Fərhad Əhmədov xaricdə yaşayan azərbaycanlı oliqarxlar və iş adamları arasında Azərbaycan mədəniyyətinə, incəsənətinə və idmanına xüsusi diqqəti və bu sahədə uğur qazanan şəxslərə təmənnasız qayğı göstərməsi ilə seçilir.

Avtosfer.az