Milyarderin oğlu "Galendewagen aldı, iki gün sonra aşırdı - FOTO

Rusiyanın Sankt-Peterburq şəhərində milyarder Yevgeni Priqojinin 18 yaşlı oğlu Pavel yeni aldığı "Mercedes-Benz Galendewagen" avtomobilini cəmi iki gün sonra qəzaya salıb. Avtosfer.az virtualaz.org-a istinadən bildirir ki, qəza dekabrın 18-də baş verib. "Galendewagen" iki küçənin kəsişməsində BMW markalı avtomobillə toqquşub və yanı üstə aşıb. Qəza nəticəsində milyarderin oğlu yaralanıb, hazırda xəstəxanadadır.

Məlumata görə, biznesmenin oğlu avtomobili hadisədən cəmi iki gün əvvəl salondan sıfır kilometr yürüşlə alıbmış. Polis bildirir ki, hər iki avtomobil yüksək sürətlə hərəkət edirmiş. Biznesmen Yevgeni Priqojin rubl milyarderidir, sərvəti 6.4 milyard rubl, təxminən 100 milyon dollardır. Onun aktivləri arasında ictimai iaşə xidmətləri göstərən "Konkord" şirkəti, mağazalar, butiklər, restoranlar var.