"Mitsubishi" 161 min avtomobili geri çağırır

Yaponiyanın "Mitsubishi Motors" avtomobil şirkəti Şimali Amerikadan və Kanadadan 161 min avtomobil geri çağırılıb. Avtosfer.az-ın Trend-ə istinadən verdiyi məlumata görə, avtomobillərin geri çağırılmasına mühərrikdə yaranan problem olub. Geri çağırılan avtomobillər 2015-2017-ci illərdə istehsal olunan "Outlander" və "Lancer" modellərdir. Mühərriklərində problem olan avtomobillər əsasən ABŞ-da və Kanadada satılıb. Şirkət mühərrikdə olan qüsuru ödənişsiz aradan qaldırmağı öhdəsinə götürüb.