“NazLifan” istehsalı dayandırmayıb - Açıqlama

Ötən gün Naxçıvan Avtomobil Zavodunda istehsalın dayandırılması ilə bağlı yayılan məlumata aydınlıq gətirilib. Avtosfer.az naxcivantv.az-a istinadən xəbər verir ki, Naxçıvan Muxtar Respublikası İqtisadiyyat Nazirliyindən bildirilib ki, “Naz Lifan” avtombillərinin istehsalının dayandırılması ilə bağlı yayılan məlumatlar tamamilə əsassızdır: “Belə ki, cari ilin ötən dövründə Naxçıvan Avtomobil Zavodunun istehsal sahəsində yenidənqurma işləri aparılıb, bu səbəbdən də istehsal prosesində planlaşdırılmış fasilə yaranmışdı. 2017-ci ilin birinci rübündə müəssisə tərəfindən “Naz Lifan 820” və “Naz Lifan 620” modellərinin satışı həyata keçirilib. Əgər zavodda 2010-cu ildə 4 modeldə avtomobil istehsal olunurdusa, hazırda  15 modeldə “NAZ-Lifan” avtomobili istehsal edilir. Müəssisə tərəfindən avtomobillərin xarici ölkələrə ixracının genişləndirilməsi istiqamətində də iş aparılır”.