"Nissan" şirkəti xüsusi "370 Z" versiyasını təqdim etdi - FOTO

Yaponiyanın "Nissan" şirkəti "370 Z Heritage Edition" modelini təqdim edib. Avtosfer.az "ölkə.az"a istinadən xəbər verir ki, şirkət bu xüsusi versiyanı "240 Z" modelinin 50 illik yubileyi şərəfinə istehsal edib. Xüsusi versiya iki rəngdə-sarı və qara rəngdə təklif edilir. Anoloji rənglər salonun detallarında da istifadə edilib. Bundan başqa yeni fənərlər, kosmetik dəyişikliklər, radiatorun şəbəkəsi və qapı dəstəklərində əlavələr, yeni səsboğucu sistem də yeniliklər sırasındadır. "370 Z Heritage Edition" V6 obrazlı, 3.7 litr həcmli yeni mühərriklə təchiz edilib. Aqreqat 322 at gücü hasil edir. Bundan başqa mühərrik 6 pilləli mexanik və 7 pilləli avtomat sürətlər qutusu ilə də təklif edilir. Yeni model gələn həftə Nyu-York avtomobil sərgisi çərçivəsində təqdim ediləcək.