"Nissan"ın rəhbəri "Mitsubishi" şirkətinə getdi

Yaponiyanın "Nissan Motor" avtomobil şirkətinin icraçı direktoru Karlos Qon vəzifəsini tərk etmək barədə qərar qəbul edib. Avtosfer.az trend-ə istinadən xəbər verir ki, onu bu vəzifədə şirkətin top-meneceri Xiroto Saikava əvəz edəcək. K.Qona bildirib: "Mitsubishi Motors" şirkətində öz üzərimə götürdüyüm yeni səlahiyyətlərlə əlaqədar olaraq düşünürəm ki, "Nissan"da yerimi Xiroto Saikavaya verməyin vaxtı çatıb".

Qeyd edək ki, X.Saikava aprelin 1-dən icraçı direktor olaraq vəzifəsinin icrasına başlayacaq.